El suroccidente encabeza la sangría poblacional d'Asturies

Degaña, Ibias, Tinéu y Cangas presenten la mayor perda d'habitantes

Tolos conceyos asturianos, menos cuatro, pierden población. Santuadrianu, Cabranes y les Peñamelleres Alta y Baxa fueron quien a asentar población y medrar, anque seya simbólicamente.

Asturies nun ye quien a parar la so sangría poblacional, que se ceba nel suroccidente. El censu reflexa esta crisis y conceyos como Tinéu y Cangas del Narcea pierden un 2% de los sos habitantes. N'Ibias y Degaña, la mengua ye entovía más pronunciada.

L'alcalde de Cangas del Narcea, José Víctor Rodríguez, destaca la necesidá de polítiques tresversales que garanticen servicios y ayuden a fixar población.

Nin l'área central se llibra. Los seis conceyos más poblaos pierden habitantes, y una vez más les cuenques presenten la estadística más crítica.

Mieres y Llangréu siguen a la baxa, con una mengua de la población. Más de 540 habitantes pierde Mieres y 670 Llangréu.