Asturies prepárase pa un despegue del mercáu eólicu

Hai 11 parques en proyectu nel Principáu

Dempués d’un parón de 10 años na construcción de parques eólicos, los promotores vuelven a activar n’Asturies esti tipu d’infraestructures. Lo que se traduz en trabayu y inversiones, que dirán a parar sobre manera al suroccidente.

Un cambéu llegal de 2008 fizo qu’invertir en molinos de vientu nun resultare rentable. La so enerxía llegó a pagase a coste ceru delles vegaes. Agora hai un suelu, nun podrá volver a pagase la enerxía d’estos parques a 0 euros y amás la tecnoloxía dexa sacar más rendimientu.

Les empreses que se dediquen a enerxía renovable vuelven a mirar p’Asturies dempués de dellos años enfocando’l so negociu nel estranxeru. Según el director técnicu de Procinsa, Asturies ta preparada pa xenerar el doble d’enerxía eólico de lo que produz anguaño.

Enagora 11 parques en proyectu. Según Procinsa, el despegue eólicu supondrá una inversión darréu d’unos 130 millones d’euros que podríen superar los 500 millones nos años vinientes.