Inserción llaboral reformando viviendes públiques de Vipasa

Mozos del Hogar de San José deprenden un oficiu al empar que trabayen

El Hogar de San José tien una empresa d'inserción llaboral que facilita a los mozos, y non tan mozos, a deprender un oficiu al empar que yá trabayen.

Anguaño tán iguando unes 460 viviendes de Vipasa. La entidá reserva un mínimu del 8% de los sos contratos pa esta mena d'empreses con esi envís.

Hassan, un mauritanu de 24 años, y George, de Ghana y de 20 años, son dellos de los protagonistes d'esta historia compartida coles cámares de TPA Noticies.