'Lluvia d'agostu', una novela épica de Francisco Álvarez

Ye'l Premiu Xosefa Xovellanos d'esti añu

Nesta Selmana de les Lletres acercámonos a una novela épica. 'Lluvia d'agostu' de Francisco Álvarez. Ye'l Premiu Xosefa Xovellanos d'esti añu. Un textu que recueye les circunstancies la muerte del anarquista Durruti con mirada periodística.

Alcontrámonos con Francisco Álvarez onde solía allugáse, fai casi un sieglu, el anarquista Buenaventura Durruti. Esti café ye ún delos escenarios que recueye la so primer novela, premiá col Xosefa Xovellanos.

Les sos páxines percuerren dende 1923 hasta los nuesos díes. Un saltu nel tiempu y por una docena de ciudaes.

La hestoria empicipia el 20 de payares de 1936 cuando el anarquista, que asaltó'l Bancu de España de Xixón, muerre nunes extrañes circunstancies. Mediu sieglu dempués, una periodista francesa enfótase n’esclariar el misteriu.

Álvarez escribió siete llibros n'antes d'ésti. A lo primero pensólu como guión de cine, pero dexólo pa prau. Aunque pa él, la vida y muerte de Durruti ye de película.

Nesti requexín esti periodista cuéntanos qu'agora faena peles distintes cais del barriu de l'escritura.