Prodintec participa nun proyectu de comunicación con ultrasoníos

L'oxetivu ye controlar los dispositivos al traviés de xestos

La Fundación Prodintec participa nun ambiciosu proyectu européu que permitirá la comunicación ente persones y oxetos con ultrasoníos.

L'oxetivu ye controlar los dispositivos al traviés de xestos. N'Asturies el trabayu céntrase na encapsulación de sensores d'un sustratu sensible pero resistente.

Otres de les sos aplicaciones valdrán p'ameyorar la comunicación de persones enfermes o con discapacidá o inclusive la seguridá nos vehículos.

El proyectu, qu'entamó en mayu, nómase Silence y nél trabayen tres persones de Prodintec que se sumen a otros 32 socios de nueve países.

Cunta con un presupuestu global de 29 millones d'euros y tendrá que tar preparáu en tres años.