Los niveles de dióxidu de nitróxenu siguen disparaos n'Asturies

Recomienden evitar que neños, vieyos y persones con problemes respiratorios salgan a la cai

Los mapes de l'Axencia Estatal de Meteoroloxía vuelven a amosar güei niveles altos de dióxidu de nitróxenu na atmósfera, como lo amuesa la mancha colorada qu'hai sobre Asturies y Madrid.

Nun llueve, nun hai vientu y a ello hai qu'amestar la llamada inversión térmica, el suelu ta más frío que l'atmósfera y los gases estanquen.

La calidá del aire que respiramos estos díes nun algamó sicasí les acumulaciones afitaes pol Gobiernu rexonal p'activar el nivel de prealerta, llendes que son cuestionables.

El tráficu, sobre manera los vehículos diésel, xeneren el 50% de les emisiones d'óxidu de nitróxenu, un 25% les centrales térmiques y l'otru 25% el restu d'industries.

Por too ello, los espertos recomienden evitar que neños, vieyos y persones con problemes respiratorios salgan a la cai.