Arcelor retoma l’actividá na so planta d’Avilés

Retoma l’actividá un día enantes de lo previsto

L’acería d’ArcelorMittal n’Avilés entama otra vuelta la so actividá un día enantes de lo que taba previsto. Va xusto una selmana la fuerte lluvia y el desbordamientu del regueru de Les Llongues obligaba a Arcelor a parar.

Ayeri pela nueche yá entamó a funcionar la máquina de colaes númberu 2 y el convertidor, que quedaron inutilizaos nes inundaciones. El miércoles o yá pa finales de selmana intentará probase la otra máquina de colada, la númberu 1.

La vuelta a l’actividá supunxo un aliviu p’ArcelorMittal que desatasca tanto los trabayos nos altos fornos, como nos trenes de bandes calientes y chapla grueso.

La so fabricación recupérase poco a poco hasta les 17 tonelades d’aceru bruto que fabrica en condiciones normales coles dos máquines de colada en funcionamientu.

Un aliviu pa los sindicatos que van viendo cada vez más despeyáu l’horizonte d’aplicación del ERE en vigor al que la multinacional recurrió n’últimu casu.