Cangues d’Onís estrena nueva zona azul

Tendrá capacidá pa 130 vehículos

Cangues d'Onís estrena güei’l nuevu serviciu de zona azul nel aparcamientu d’El Censo nel centru la villa.

Polo xeneral la regulación ye bien recibida polos usuarios y vecinos que consideren que d’esti mou habrá una mayor movilidá de vehículos nesti área d’estacionamientu.

La primer media hora ye de baldre, con un máximu de dos hores d’estacionamientu. L’horariu ye de 9:00 a 14:00 y de 16:00 a 18:00, pela selmana, y de 9:00 a 14:00 los fines de selmana y festivos.

Con capacidá pa 130 vehículos, El Censo ye l’aparcamientu más solicitáu pela so cercanía al centru.

La regulación llevaráse alantre ente’l 1 de marzu y el 30 d’ochobre.