Dimite l'alcalde de Casu tres l'apertura de xuiciu oral

IX denunció na Fiscalía irregularidaes nel pagu de factures a delles empreses

L'alcalde de Casu, Tomás Cueria, dimite tres l'apertura de xuiciu oral encontra él por presunta prevaricación na axudicación de contratos. Cueria cumple asina col códigu éticu del Partíu Socialista.

Izquierda Xunida denunció na Fiscalía irregularidaes nel pagu de factures a delles empreses. En total, sumen una cantidá de más de 100.000 euros.

Cueria defiende la so inocencia y asegura que son contratos que, en munchos casos, veníen faciéndose dende 2003 cuando él nun taba nel cargu. Alega que ye un tema alministrativu fechu precisamente pola mesma secretaria que facía los contratos que llevaron a xuiciu al alcalde d'Ayer, David Moreno, espulsáu tamién del PSOE.