Hai esperanza, pero los espertos en plumeru de la pampa sollerten de que va ser difícil desaniciar esta especie invasora. Los espertos calculen que n'Asturies pue haber hasta 1.400.000 plumeros de la pampa.
La colonización d'esta especie invasora ye mui mala de frenar y podría retrasase una década. Viose favorecida poles actividaes de xardinería y los movimientos de tierra que desenvuelve l'actividá humana. Sobrevive a la presencia del ganáu y aguanta inclusive'l pasu del fueu.
La especie medra de forma esponencial sobre manera nel norte. Especialistes de delles comunidaes compartieron güei les sos conocencies p'avanzar nel protocolu pa desaniciala.
Dende'l Principáu piden a los conceyos que retrasen cualquier intervención escontra esti problema medioambiental, hasta la ellaboración del plan rexonal.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL