Julián Rus queda absueltu de la quiebra de Los Telares

Los responsables del fondu suizu Gryphus fueron declaraos en rebeldía

El xuiciu pol concursu d'acreedores de Los Telares da un xiru. El que fuere'l so dueñu, Julián Rus, queda llibre de cualesquier acusación. Pidiérase-y que respondiere xunto al fondu d'inversión suizu Gryphus pol furacu de 21 millones d'euros xeneráu nel concursu.

Agora l'alministración concursal quita l'acusación y xunto col ministeriu fiscal, piden al xuez que lu declare non culpable. Consideren, a la vista de les pruebes y allegaciones, que l'empresariu avilesín actuó con dilixencia na última etapa de Los Telares.

Na crisis de la empresa testil, desatada dende 2012, l'empresariu llegare a inyectar dineru del so patrimoniu personal y promovió la entrada del fondu suizu Gryphys Partners, que llueu tomó'l mandu y alloñó a Rus de la empresa. Los Telares llegó a cuntar con 600 trabayadores en toa España.

Los cuatro responsables d'esti fondu, unos ciudadanos con residencia en Suiza, nun se presentaron a la vista y fueron declaraos en rebeldía. Agora pídese pa ellos tola responsabilidá pola delda concursal de 21 millones d'euros y pidióse que s'abra un procesu penal.

La sentencia del xuiciu conoceráse nuna selmana.