La producción de los arbeyos de L.lanos de Somerón ta en riesgu

Búscase que se reconoza como una variedá de granu local

La producción de los arbeyos de L.lanos de Somerón, los más famosos del mundu pola so dureza, el so color azuláu y el so sabor, ta en riesgu.

Malapenes queden siete güertos que los cultiven, pero al problema de la despoblación amiéstense los páxaros y el conocíu como 'gorgoyu', un insectu qu’añera dientro.

Va 30 años pañaben cuasi una tonelada, y agora too ye prácticamente p’autoconsumu; poro pa protexer la so continuidá, búscase tamién que se reconoza como una variedá de granu local.