Tráficu pide a los motoristes evitar les carreteres secundaries

Va intensificar los controles destinaos a motocicletes

Nueve motoristes perdieron la vida nes carreteres asturianes nos ocho primeros meses d'esti añu. Ye una medría respecto al añu anterior, cuando se rexistraron siete víctimes nel mesmu periodu.

Dende la demarcación de Tráficu nun guarden la so esmolición por esta siniestralidá y van intensificar los controles destinaos a motocicletes.

Amás, encamienten a los motoristes a usar les autovíes o autopistes, en llugar de les carreteres secundaries énte la medría d'accidentes.

La velocidá, conseñen, ta detrás de la mayor parte de los accidentes.

Tráficu recuerda a tolos motoristes, non sólo a los de gran cilindrada, que tienen que llevar la ropa afayadizo. Nada de chancles, pantalones curtios nin camisetes ensin manga. Amás ye fundamental, sorrayen, invertir nun bon cascu.

Dende la demarcación de tráficu de la Guardia Civil van intensificar los controles a les motocicletes nes carreteres secundaries peles que suelen circular col únicu fin d'amenorgar la siniestralidá.