AC Hotels nun va facer nueves inversiones n'Asturies

Catalán ve nel AVE'l verdaderu impulsu pal sector del turismu n'Asturies

La llegada del AVE va potenciar el turismu n'Asturies, va facela atractiva pa nueves inversiones. Ye l'análisis del presidente de la cadena AC Hoteles, Antonio Catalán, que tuvo n'Uviéu dando una conferencia na facultá d'Economía convidáu por UXT.

Antonio Catalán dixo que pel momentu nun se plantega abrir nuevos establecimientos.

Antonio Catalán confirmó qu'abandona l'hotel previstu en La Llaboral. La inversión, más de 3 millones d'euros, dala por perdida. L'Hotel de La Llaboral diba ser el primeru de cinco estrelles en Xixón.

En 2008 entamó a reformase l'antigua residencia d'estudiantes pero cola crisis, a primeros de la década quedó paralizáu. Agora búscase conteníu pa esta parte del edificiu con 84 habitaciones.