Asturies, ente les comunidaes con más contaminación de sustancies superfluoraes

Tán en caxes de pizza, sartenes o bolses de palombines/flaires y son un riesgu pa la salú

Sartenes, caxes de pizza y hasta bolses de palombines tienen sustancies superfluoraes. Estos compuestos, emplegaos pola industria pola so resistencia y estabilidá química, representen un riesgu pa la salú humana.

Agora un mapa fechu por científicos españoles amuesa'l grau d'esposición a estos contaminantes según la comunidá autónoma.

Con valores en sangre d'ente 8,5 y y 7,5 miligramos per llitru, los asturianos tán nun segundu grupu xunto a la Comunidá Valenciana, Baleares y la vecina Cantabria.

Solo los catalanes, vascos y gallegos presenten mayores niveles de contaminación por sustancies superfluoraes. Ente los menos espuestos, la mayoría d'habitantes del interior y Canaries.

El Centru Nacional de Sanidá Ambiental estudió pa la so ellaboración la concentración de seis d'estos compuestos contaminantes nel sueru de 755 españoles. En dos d'estos compuestos, los nomaos PFOS y PFOA, los españoles superen el primeru de los niveles afitaos pola Comisión Alemana de Biovixilancia.

Sobre estes dos sustances esiste la creyenciade que son canceríxenes d'ende la so inclusión na llista de contaminantes restrinxíos del Conveniu d'Estocolmo. Sicasí'l riesgu 0, alvierten los especialistes, nun esiste.

La ventaya de los superfluoraos ye que repelen la grasa y l'agua lo que dexa a la industria aplicalos a productos como'l revestimientu de sartenes, bolses de palombines, caxes de pizza, o productos quitamanches. Ente les contrapartíes la so non degradación, la so persistencia y que ye bioacumulable.

Estes sustances, recuerden los especialistes, tán sobre manera nel aire, el polvu doméstico y los alimentos.