Avilés esfruta de les Fiestes del Bollu

La fiesta cumple 124 años

Les gaites abríen un desfile de Pascua qu'un añu más enllenó de xente les cais d'Avilés.

Más d'once carroces desfilaron pel cascu antiguu de la ciudá. Delles mui llamatives como la Cofradía d'El Bollu o l'asociación de vecinos d'El Carbayedo. Xarrés que dan la bienvenida a la primavera y onde los más pequeños disfruten vistíos d'asturianos.

Una fiesta que cumple 124 años y onde participaron más de 15 agrupaciones musicales. El públicu enllenó tol percorríu pa nun perder nengún detalle d'esta fiesta tan avilesina.

Enantes del desfile, Olga Mesa, coreógrafa avilesina encargóse de pregonar la fiesta. Y dende primer hora repartiéronse más de 1.000 bollos de Pascua escarchaos cola típica botella de vinu blanco de la Nava.

Entamen asina les fiestes d'El Bollu d'interés turísticu nacional que mañana van acoyer la comida na cai que cumple 25 años.