Entama'l treslláu de consultes esternes del Hospital de Xove

Remata la primer fase d'una ampliación entamada en 2016

El treslláu de les consultes esternes del Hospital de Xove en Xixón al nuevu inmueble del centru sanitariu entamó güei.

Va siguir pasu ente pasu pa garantizar la normalidá nes atenciones sanitaries y va dexar concentrar el serviciu nun únicu espaciu.

Ye la culminación de la primer fase d'una ampliación entamada en xineru de 2016 y que va prosiguir coles obres de remodelación p'ampliar servicios como farmacia, llaboratorios, urxencies y vestuarios nos espacios agora lliberaos del edificiu antiguu.

Con una inversión prevista de 10 millones y mediu d'euros, el nuevu edificiu axuntu cuenta con 3.000 metros cuadraos, tien tres plantes y 45 consultes.

Ente les novedaes, Xove modernízase pa comodidá de los enfermos con un nuevu sistema de control d'espera, inxértase la nueva tarxeta sanitaria o'l DNI y un ticket indica al paciente la planta y sala onde va ser atendíu.