Entama n'Uviéu la Feria l'Ascensión

L'alcalde apunta que "ta fortaleciéndose y garrando una potencia importante"

L'alcalde d'Uviéu, Wenceslao López, presentó güei la feria L'Ascensión. López apuntó que "ta fortaleciéndose y garrando una potencia importante", y qu'espera que los asistentes disfruten dos díes y mediu d'un eventu qu'ufierta lo meyor de la cultura asturiana.

A la inauguración de la feria tamién asistieron el conceyal de Cultura d'Uviéu, Roberto Sánchez Ramos, y la vicealcaldesa d'Uviéu, Ana Taboada.

Sánchez Ramos dio anuncia de qu'esti añu quieren entamar un proyectu pa cubrir una parte del llugar del polígonu d'Olloniegu-Tudela, nel qu'esti añu tará'l mercáu del ganáu, y que la so intención ye utilizar esti espaciu pa otres actividaes y convertilu nun "motor" d'esposiciones.

Pa rematar, Taboada agradeció al conceyal de Cultura que meyorare esta feria de L'Ascensión, y destacó que ye "fundamental" la recuperación d'espacios públicos pa esti tipu d'eventos, como ye'l casu del polígonu d'Olloniegu.