L'Arzobispu critica les formes del tripartitu cola Diócesis

Afirma que ta al corriente de tolos impuestos

L'Arzobispu d'Uviéu, Jesús Sanz Montes, unvió una carta al alcalde la capital, Wenceslao López, onde s'amuesa sorprendíu pol fondu" y la forma" nes que dende'l Conceyu encamentaron a la Diócesis a clarificar posibles irregularidaes nel pagu d'impuestos municipales.

Na misiva, l'Arzobispu d'Uviéu critica que s'enterara pola prensa del escritu en que'l Conceyu-y pidía una xunta pa clarificar les presuntes irregularidaes que se supondría que la Ilesia Católica taba cometiendo respecto al pagu de diversos impuestos municipales.

Sanz Montes señala que la Diócesis ta al corriente de tolos impuestos municipales que tien que pagar, ente los que nun ta'l IBI.

A lo último, ta dispuestu a axuntase col alcalde pa tratar esti asuntu.