El Seya vuelve a baxar con caudal abondo dempués de la lluvia

Agua escuro pola tierra qu'arrastra propio d'esta época

Dempués de la lluvia que cayó nos últimos díes, el Seya vuelve a baxar con caudal abondo a l'altura d'El Desfiladeru de los Beyos, en Ponga.

Va quince díes, y por mor de la falta de lluvia, el ríu presentaba una sequía tan estrema qu'inclusive nun tramu de 300 metros el calce taba secu dafechu, porque'l pocu agua que llevaba'l ríu taba perbaxo'l llechu fluvial.

Esta mañana'l panorama ye bien distintu y el Seya, con agua de color escuro pol arrastre de tierra, cuerre en superficie ufiertando una imaxe más propia d'esta época del añu y distinta dafechu a la de va dos selmanes.