L'alquiler vacacional repunta n'Asturies

Los llugares de costa rexistren esti branu una medría nos precios

P'alquilar un apartamentu na costa asturiana esti branu hai que rascase un pocoñín más el bolsu. Según l'axencia de tasación Tecnitasa los precios xubieron en tol Principáu, sobre manera nes fasteres más demandaes.

Una selmana nun apartamentu de 70 metros en Xixón sal por unos 500 euros de media. El mesmu preciu qu'en Ribeseya si ta a la vera la sablera. Baxa a 350 nel pueblu. El mesmu inmueble en Llanes xube a unos 600 euros si ye na meyor zona, o 450 si ta más lloñe de la costa.

D'ente lo más demandao lo más barato ta en Tapia. L'apartamentu mediu de 70 metros cuadraos cuesta una selmana en temporada alta 350 euros.

Dende Tecnitasa noten tamién della medría de la demanda de compra de vivienda de vacaciones n'Asturies.