El campanu del Narcea subástase por 12.300 euros

Pablo Fernández Ardura saca'l campanu del Esva

Un total de 12.300 euros ye'l preciu final que se pagó pol campanu del Narcea, que tardó en salir esti añu. Foi compráu pol restaurán 'El Bosque' d'Uviéu

Cinco díes d'espera hasta qu'ayeri se garró la pieza. Juan Carlos Rodríguez Menéndez, vecín de Santa María (Grau) de 27 años, garraba'l salmón. L'exemplar, de 9,5 kilos y 92 centímetros, pescóse nel pozu La Columna.

La puya de güei en Curniana foi de lo más intensa.

Pablo Fernández Ardura saca'l campanu del Esva

Seis díes tuvieron que pasar pa que'l ríu Esva diera'l so campanu. L'exemplar ye de 66 centímetros y 4,3 kilos y echábalu a tierra poco depués de les 14:30 el pescador local, Pablo Fernández Ardura, sociu del Club de Pesca La Socala.

Pescáu a cebu natural nel Pozu Pata María, el cotu Piedra Blanca. Ye'l primer campanu d'esti mozu aficionáu pero non el del so grupu que yá en 2012 algamaba pescar el primer salmón d'esti ríu valdesanu.