Entrega de distinciones de la Denomación d’Orixe Protexida Cangas

Eufrasio Sánchez y Bejamín Alba, premiaos en Cangas del Narcea

Última xornada de la Fiesta de la Vendimia 2019 en Cangas del Narcea. El patiu del ayuntamientu foi l’escenariu escoyíu pa la entrega de les distinciones de la Denomación d’Orixe Protexida Cangas.

El críticu gastronómicu Eufrasio Sánchez y l’empresariu Bejamín Alba recoyeron los premios 'Uva Verde' y 'Uva Madura', respectivamente, pol so llabor en pro del vinu de Cangas y la so promoción. La familia de César Gutiérrez recibió emocionada la distinción 'Artesani Mayor del Vinu', a títulu póstumu.
 
La entrega de los premios del concursu de pintura al aire llibre entamáu pola DOP tamién ocupó parte d’una xornada na que siguen les prebes, visites y actividaes.
 
Toos coinciden en destacar l’éxitu de la fiesta y el bon momentu que viven los vinos de la Denomación d’Orixe Protexida Cangas, cada vegada más reconocío y preciao.
 
Dende la Xunta Local d’Hostelería yá se piensa n’entamar a trabayar pa presentar una candidatura y algamar que la fiesta pase a ser declarada d’Interés Turísticu Nacional.