El Conceyu de Xixón va recibir fondos europeos pa la construcción d'una incubadora empresarial de "alta tecnoloxía" que se va allugar nel edificiu 'Impulsa'. Les sos obres d'ampliación van entamar a finales del mes de mayu y va tener un plazu d'execución d'ocho meses.
El voceru del gobiernu local, Fernando Couto, esplicó que la incubadora 'Equilibria' va allugar unes 20 compañíes venceyaes a proyectos de "altu impactu tecnolóxicu" rellacionaes colos campos de la salú, deporte y alimentación.
Los fondos europeos van financiar el 80 por cientu de la inversión total del proyectu, que tamién va cuntar con 690.000 euros del Conceyu, 65.000 euros de la Cámara de Comerciu y 64.500 euros d'Impulsa.
"Tuvimos una reconocencia al trabayu de especializacion de les industries del futuru", conseñó.
El presidente de la Cámara de Comerciu de Xixón, Félix Baragaño, comentó que l'oxetivu de la iniciativa ye "facilitar la tresferencia d'anovación y conocencia tecnolóxica a les pymes asturianes".
La entidá cameral va llevar alantre les acciones de captación d'empreses, dinamización y la mentorización na xestión empresarial.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL