La flota pesquera asturiana entama esti llunes la costera de la xarda con mui buenes espectatives.
La Secretaría Xeneral de Pesca permite esti añu garrar 462.000 kilos más de xarda, polo qu'Asturies podrá pescar un total de 2.230.000 kilos.
Una decisión sofitada nuna sentencia xudicial qu'anula una resolución que sancionaba al Principáu por sobrepasar el cupu hai tres años.
Si too va bien, los pescadores podrán dedicase a la xarda un par de selmanes más pudiendo garrar cada pescador más de 2.000 kilos de xarda a la selmana.
Nel cai de Llastres yá hai 30 pesqueros preparaos pa entamar a trabayar a primer hora.
A les asturianes xuntáronse barques de Galicia y del País Vascu, comunidaes que lleven yá dellos díes pescando pel Cantábricu.
Motivu pol que cofradíes como la de Llastres rularon les primeres tonelaes nes últimes selmanes.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL