La pesca ensin muerte nun funciona

Ye dalgo avezao fuera de les nuestres llendes pero poco frecuente n'Asturies

Los ríos asturianos tán desde güei vedaos a la pesca del salmón. Ayeri acababa la temporada que, como cada añu, finaliza con un periodu de captura ensin muerte.

Tres los malos resultaos de la campaña, hai voces que planteguen esparder esta práctica como midida pa frenar la mengua de salmones nel ríu. Ye dalgo avezao fuera de les nuestres llendes pero, poco frecuente n'Asturies.

El Narcea dio esti añu 249 salmones, son 113 menos qu'en 2016 y el peor rexistru de la década. Nel ríu hai quien piensa qu'esto nun ye coxuntural y que parte de la solución pasa por siguir l'exemplu de dalgunos aficionaos, practicar la pesca ensin muerte.

La pesca ensin muerte como opción ye entá minoritaria. Les sociedaes de pescadores creen que la imposición tola temporada vaciaría'l ríu.