Les restricciones de tráficu a los Bufones de Pría sedrán pa tol añu

Los visitantes tendrán que dexar los sos vehículos nos aparcamientos de La Rotolla y Garaña

El pasu de vehículos a los Bufones de Pría y a la playa de Guadamía quedará restrinxíu, menos pa residentes y agrícoles, ente les 11:00 hores y les 20:00 hores dende esti fin de selmana, según l’edil de playes.

Les señales de 'prohibida la circulación' sedrán colocaes esta selmana.

Tolos visitantes podrán estacionar los sos vehículos nos parkings de La Rotolla y de Garaña, que cunten con una capacidá pa unos 400 vehículos.

El de La Rotolla dexará de ser un aparcamientu de temporada y pasará a ser permanente enantes de Selmana Santa, gracies a que tolos ediles llaniscos dieron el preste al estudiu d'impactu ambiental na última sesión plenaria.

L’Ayuntamientu sigue buscando soluciones pa desconxestionar de vehículos otros paraxes naturales del conceyu llaniscu.