Los ayuntamientos tomen midíes énte la sequía

CHC activa la fase de prealerta

La Confederación Hidrográfica del Cantábricu activó la fase de prealerta del plan especial de sequíes énte la escasez de lluvia rexistrao na cuenca hidrográfica occidental nos últimos meses.

Los ayuntamientos asturianos yá recibieron delles recomendaciones p'aplicales cola llegada de la temporada estival.

Tendrán qu'aforrar agua col riegu de xardinos o baldéu de cais y reforzar los controles del agua garrao p'abastecer a la población.

L'Ayuntamientu d'Uviéu quier utilizar l'agua non potable d'unu de los depósitos d'El Cristo pa llimpiar les sos cais y, amás, entamará una campaña informativa de concienciación.

Pa los avilesinos el mayor problema ye la contaminación de les sos cais y en Xixón yá tomaron midíes.

En Llanes, lo que más preocupa ye l'abastecimientu de los pueblos pequeños na temporada estival mientres que nel occidente asturianu l'Ayuntamientu de Tinéu yá dexó de regar los sos espacios públicos y aconseya a los vecinos nun abusar del agua nes sos cases.