Los vecinos de Montecerrao denuncien el machismu del pregón

Consideren que les actitúes de les moces nun fueron afayadices

Un pregón, dos moces, bailles suxerentes y un discutiniu. El presidente de l'asociación encargada d'entamar les fiestes de Montecerrao desmárquense del conteníu del show qu'abrió los festexos del barriu. Caltién que foi'l pregoneru quien preparó l'espectáculu.

El mesmu presidente y y pregoneru sopréndense del movimientu xeneráu. Julio García, campeón del mundu de Press Banca, diz sentise decepcionáu y engañáu pola organización, pues nun supo hasta l'últimu momentu que taría acompañáu poles dos moces.

Moces que diben con poca ropa, y que promocionaben un show de gogós y acróbates previstu nel programa festivu. Pero que la so presencia y les sos actitúes nel pregón indignaron a munchos vecinos. Tamién al Conceyu d'Uviéu, que lu tacha de sexista.

Mesma opinión que la de l'asociación de Vecinos de Montecerrao, que denunció públicamente'l pregón. Culpen directamente a los encargaos d'entamar la fiesta por promover un espectáculu impropiu nun eventu d'esti tipu.