Panes celebra la so tradicional Feria de San Isidro

Cabeces de ganáu, carroces y misa n’honor al santu nuna xornada festiva

Unes 200 cabeces de ganáu, les más d’elles de vacunu, con presencia testimonial del ovín, diéronse cita na tradicional Feria Ganadera de San Isidro en Panes (El Valle Baxu de Peñamellera), a la que tamién fueron artesanos y vendedores de productos de la güerta.

Esti añu la feria celebróse con menos presencia que davezu por mor de que dalgunos ganaderos nun llegaron a tiempu poles cartielles de saneamientu.

Sicasí, la xornada celebróse cola fin de caltener les tradiciones. El desfile de carroces engalanaes y la misa n’honor al Santu son los otros protagonistes d’esti día nel pueblu del oriente asturianu.

El sábadu siguirán les fiestes na capital del conceyu cola celebración del III Festival de Tonada n’homenaxe a María Sánchez, la Pastorina del Cares.