Plan pa evitar la saturación de la xusticia en temes al rodiu de les hipoteques

Les midíes n’Asturies pasen por un xulgáu destináu a la materia y más personal

No que va de febreru llegaron a los xulgaos asturianos 13 asuntos más, al rodiu de les condiciones de les hipoteques, qu’en febreru de 2016.

Énte la más que previsible apaición de munchos casos nuevos tres les sentencies europees, el Conseyeru Xeneral del Poder Xudicial fizo un plan pa nun saturar entovía más la xusticia.

Esi plan pasa n’Asturies por destinar un xulgáu d’instrucción d’Uviéu a esta materia y más personal. Amás d’evitar la saturación de la xusticia, búscase axuntar criterios.

El problema ye que’l Ministeriu de Xusticia comprometióse a adoptar el plan nes comunidaes que dependen d’él. N'otres como Asturies, coles competencies tresferíes, dependerá de l’aceptación de cada Gobiernu autonómicu.

Entovía nun caltuvieron ninguna xunta col Principáu pa falar del tema, pero esperen que seya pronto.