Trespásase'l chigre más pequeñu del mundu

Con 14 metros cuadraos ta allugáu en Malleza

Asitiáu en Malleza, con 14 metros cuadrados, el chigre más pequeñu del mundu busca nuevu dueñu. Tien bar, tienda, tres meses y una 'zona chill out'.

Pocu espaciu y muncha imaxinación pa esti bar-tienda que busca quien siga al frente d'ún d'esos últimos reductos de la hostelería rural tradicional y que tanto tienen que ver col caltenimientu de la población nel campu asturianu.

Ta a caballu, o meyor a burru, yá qu'antaño dedicábase a cuadra pa esti animal, ente un bar tienda de los de tola vida y un pequeñu muséu etnográficu. Ye herederu de Casa Bayón. El so antecesor zarraba por xubilación, y en 2013 Paulino Lorences decidió que tou pueblu que se precie necesita un bar tienda.

Too equí tien un singular orixe, frutu d'una estudiada necesidá de revivir la historia d'un pueblu, que ye la de la so familia, la suya propia, y la de les formes de vivir y convivir na Asturies rural.

Pero tamién ye frutu de la creatividá, porque nel chigrin nun falta nin el so propiu bancu en forma de vasos d'aforru, nin métodos de resolución d'un conflictu tan asturianu como'l deriváu del “ta too pago".

Esti masón, nacíu en Malleza y estudiáu en París, trespasa por enfermedá. Una espalda enfadada por cansanciu d'años y fogones.

Trespásase con too, lo único que falta ye wifi, pero nel chigrín nun lu quieren porque prefieren falar ente ellos.