Diseñen en Mieres una caxa de sable capaz de recrear la orografía d’Asturies

Fecha con 125 kilos de sable y valiéndose de la realidá medrada

Con 125 kilos de sable pue representase, por exemplu, la orografía d’Asturies, la mar y el cordal.

El Campus de Mieres desendolcó una caxa de sable de realidá medrada que reflexa la contornada que nos arrodia al traviés d’un sistema informáticu y un proyector.

Esti proyector unvia información y el resultáu ye un modelu tridimensional del relieve. Utilízase pa enseñar lo que ye un puertu, un colláu o cómo se formen los ríos. Tamién s’usa pa diseñar mapes cartográficos.

Too d’una forma interactiva que facilita reconocer les formes del relieve como tán na redolada. El software qu’utiliza ye llibre y creólu un profesor americanu.

L’oxetivu ye la divulgación científica a tolos alumnos independientemente de la edá. Pue vese, tocar, y deprender al traviés d’esta tecnoloxía de futuru.