Liberbank da anuncia del pieslle de tres oficines n'Asturies

Comunica la decisión a los sindicatos

Liberbank dio anuncie güei a los sindicatos del pieslle de tres oficines n'Asturies. Asina lo comunicó na negociación que caltienen en Madrid pol nuevu ERE na entidá.

La dirección convocare a los sindicatos a una xunta güei en Madrid pa negociar otru Espediente de Regulación d'Emplegu (ERE).

La convocatoria de Liberbank dase énte la finalización nesti mes de xunu del ERE qu'anguaño ta en vigor, que s'entamó'l 1 de xineru de 2014, y qu'inxertaba recortes salariales d'ente'l 10 y el 30%. L'ERE d'enantes, que duró de xunu a avientu de 2013, foi anuláu polos tribunales.

La selmana pasada'l sindicatu CSI dexaba claro que la idea de Liberbank "ye siguir esquilmando a los trabayadores con otru ERE fraudulentu, y facer que paguen con más recortes brutales los dispendios y los derroches de la nefasta xestión del conseyeru delegáu y del conseyu d'alministración".

Nesti sen, denunció que dende xunu de 2013, a los trabayadores de Liberbank descontáronse-yos 420 millones d'euros de los salarios, mientres que nel añu pasáu, el conseyeru delegáu, Manuel Menéndez, xubióse'l sueldu un 19%, hasta los 487.00 euros.

"Los miembros del conseyu cobren más de 100.000 euros de dietes al añu pola pertenencia a esti muérganu", amestó'l sindicatu, que criticó que con estes cifres y teniendo en cuenta los beneficios declaraos pola entidá nos últimos exercicios, "resulta inmoral dafechu" un nuevu ERE.

"Dende CSI refugamos cualquier nuevu axuste escontra los trabayadores de Liberbank y oponémosnos a esti nuevu ERE, que nun tien nenguna xustificación, al igual que lo ficimos colos d'enantes", remató.

Per parte de so, CSICA aseguró que "con una falta dafechu de bona fe, decoru y respetu pa colos sindicatos", Liberbank convocólos pa negociar, un procesu que, según denunció, "ye en realidá un puru paripé".