La venta de vivienda n'Asturies amuesa síntomes de recuperación

Los profesionales inmobiliarios destaquen que les axencies consiguen meyores precios

El sector inmobiliariu asturianu señala que nel 2017 el preciu de la vivienda dexó de cayer. Apunten qu'un mayor accesu al creitu fizo, que nel últimu añu, se vendieren alredor de 9.000 viviendes n'Asturies. Ye un 15% más d'operaciones qu'en 2016.

El perfil mediu de la vivienda vendida esti añu nel Principáu ye un pisu de segunda mano pa reformar, de tres cuartos en Xixón por 130.000 euros, y de dos cuartos n'Uviéu, con un costu de 94.000 euros.

El comprador ronda los 43 años y tien otra propiedá, necesita más espaciu o busca invertir pa destinar l'inmueble al mercáu del arriendu.

Los profesionales inmobiliarios de la rexón destaquen que les axencies consiguen meyores precios pal vendedor y amenorguen el tiempu mediu pa cerrar una venta hasta los cinco meses, un plazu que los particulares puen llegar a triplicar.