DuPont xenerará 60 nuevos puestos de trabayu cola nueva planta de Nómex

Asturies ta ente les plantes meyor allugaes pa nueves inversiones

DuPont xenerará 60 nuevos puestos de trabayu cola nueva planta de fabricación de Nómex, fibra ignífugo qu'entamará a fabricase tamién en forma de filu.

La multinacional pondrá en marcha esta llinia dientro d'un añu tres 51 millones d'euros d'inversión. Nuna entrevista a TPA Noticies, la presidenta de DuPont, Ángela Santianes esplicó qu'Asturies ta ente les plantes meyor allugaes pa nueves inversiones.

El texíu Nómex úsase pa ropa de protección como lo de bomberos y el formatu en filu úsase pa vehículos y aviones. Nómex namás se fabrica n'Estaos Xuníos y Asturies, y les buenes cifres de la planta española convencieron pa destina-y la inversión.

La presidenta de Dupont destaca qu'Asturies algamó allugar toles sos estayes de negociu ente les más productives del mundu, lo qu'abre nueves posibilidaes d'inversión.

Amás Asturies cuenta con una nueva baza y ye que'l director de Nómex en Tamón, Gonzalo Álvarez Ríos, pasará a dirixir la fábrica Nómex n'Estaos Xuníos. Dirá esti añu, tres ocho al frente de Nómex Asturies, qu'algamó que fuera más competitiva.