Les beques tienen un importe total de 30.000 euros pa participar en proyectos n’ocho países de Suramérica y África. Per esti programa, qu’enantes organizaben a tres bandes l’Axencia de Cooperación, la Universidá y Cáritas, pasaron al rodiu d’un centenar de mozos.
TPA Noticies faló con tres d’ellos para conocer les sos esperiencies.
Poco podía imaxinar la recién graduada n’Economía Raquel Fernández que diba conocer les 14 comunidaes indíxenes Mozonte de Nicaragua. Con ellos pasó dos meses. Cunta que son comunidaes agrícoles, mui afectaes pol cambéu climáticu. Ayudóles a algamar microcréditos y convirtióse nuna convencida de la cooperación.
Otra convencida ye Lucía Reguera. Ta nel caberu cursu d’enfermería y l’añu pasáu tuvo 9 selmanes trabayando nun hospital de la capital de Camerún, Yaounde. Ente otres coses tocó-y atender más de cien partos nun mes. Dalgo impensable n’Asturies.
David Martínez estudia pedagoxía, trabayó con comunidaes desplazaes pol conflictu coles guerrilles en Colombia. Anécdotes aparte, destaca la calidá humana de les persones coles que trató.
A los tres enganchólos la cooperación y recomienden la esperiencia. Ellos tienen claro que repetirán.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL