Bual va formar parte de l'Asociación de Conceyos Indianos del Cantábricu

Segundu conceyu asturianu n'integrase dempués de Ribedeva

Bual va entrar esti branu a formar parte de l'Asociación de Conceyos Indianos del Cantábricu. Va ser el segundu conceyu asturianu n'integrase, dempués de Ribedeva.

Munches de les edificaciones del llugar fueron pagaes por vecinos que tuvieron qu'emigrar a América pa buscase un futuru meyor.

Unu de los símbolos indianos en Bual ye un llavaderu que foi pagáu por un vecín del conceyu que tuvo qu'emigrar va décades a Cuba pa ganase la vida.

Concretamente pol güelu de Nicolás, que vive agora en Miami pero vivió en Bual cuando tenía malpenes siete años.

Güei, 60 años dempués, torna per primer vegada pa recordar el pueblu de los sos antepasaos emigraos.

Enantes d'entrar a ser parte de l'asociación, integrada por Ribedeva y otros dos conceyos de Cantabria y Castiella y Lleón, miembros de la directiva van visitar Bual pa conocer de cerca los secretos indianos del llugar.