Premiu a RTPA pola difusión y información del teatru amateur

Antonio Virgili recueye'l galardón en Llangréu

El Teatru Amateur premió a RTPA pola difusión y información que la televisión y radio pública fai d'esta disciplina.

Na gala, celebrada güei pola Federación de Teatru Amateur d'Asturies, hebo tamién un recuerdu pal fallecíu director y actor Manuel Aller, un premiu recoyíu pola so familia.

El director xeneral de RTPA, Antonio Virgili, agradeció'l reconocimientu y el presidente de Feteas, José Ramón López, destacó'l buen momentu del teatru amateur n'Asturies.