L'informáticu, Richard Stallman, recomienda al Principáu usar software llibre

Considera que tendría qu'usase por seguridá y responsabilidá ética

Xusto na selmana en que se fala de lo vieyo del sistema operativu qu'usa'l Principáu, l'informáticu estadounidense, Richard Stallman, recomienda al Gobiernu del Principáu l'usu de software llibre.

Stallman, consideráu'l padre d'esta tecnoloxía, cree que les alministraciones públiques tendríen qu'usala por seguridá y por responsabilidá ética.

Esti espertu alvierte de que los sistemes operativos y programaos desarrollaos por empreses privaes incluyen siempre sistemes pa controlar al usuariu.