La Policía sospecha que'l cocineru d'El Cristo apuñalóse a sí mesmu

Nun descarta prindalu por simulación de delitu

La Policía sospecha que'l cocineru que denunció una agresión nel barriu d'El Cristo, n'Uviéu, apuñalóse a sí mesmu.

Los investigadores necesitaron un informe médicu forense ante les duldes que-yos xeneraron les lesiones.

Los primeros análisis amuesen que la trayectoria de la puñalada que recibió na barriga conseñen que pudo provocase él mesmu eses mancadures.

Sospechen que'l móvil pudo ser económicu, depués de que la investigación conseñara qu'acumula delles deldes.

El socesu foi'l pasáu martes cuando l'home denunció qu'un individuu armáu entró nel chigre nel qu'él trabayaba y robó 1.400 euros.

La Policía nun descarta prindalu por simulación de delitu. De momentu, sigue ingresáu nel Hospital Central d'Asturies.