Radiotelevisión del Principáu d'Asturies Radiotelevisión del Principado de Asturias
Viernes 23 de febrero | Corporativo | Contacto |
Notas de voz al 666 333 222
Buscar |
Síguenos en
Radiotelevisión del Principado de Asturias | Buscar

Ir a portada de RTPA

Selmana de les Lletres Asturianes

A8

Con motivu de la 39 Selmana de les Lletres Asturianes, Radiotelevisión del Principáu d’Asturies (RTPA) emite una programación especial. Los informativos van incluyir noticies n'asturianu. Va haber espacios pa la lliteratura en llingua asturiana y una programación especial n'asturianu. ESPECIAL SELMANA DE LES LLETRES NA TPA

El martes 1 de mayu TPA va emitir, a les 12:00, la final del Torneo de Bolos Memorial Cajetilla dende La Pola Siero, narrao n'asturianu.

El miércoles 2 de mayu TPA va retresmitir la llectura institucional de testos n’asturianu na Xunta Xeneral del Principáu d’Asturies a partir de les 12:00.

El xueves 3 de mayu, La revista cultural Pieces súmase a la celebración con un programa especial protagonizáu por Xuan Bello, que reivindica el poder de la bona lliteratura al presentar la reedición del llibru n’asturianu más importante de les últimes décades, Hestoria universal de Paniceiros. Y como los actos oficiales tán dedicaos esti añu a la lliteratura infantil y xuvenil, falamos con Francisco Álvarez Velasco, autor de Tres tigres per un trigal, ún de los títulos de más calidá dedicáu a los llectores más nuevos asoleyáu nos últimos años.

Amás, la programación especial va siguir nel fin de selmana con Cuentacuentos n'asturianu na mañana y 3 grandes películes en versión asturiana: Harry el suciu (vienres 4, 22:15 en A7, y 23:15, en A8), Greystoke (sábadu, 5 de mayu, 23:45) y Ocean's eleven (domingu, 6 de mayu,17:30).

El domingu, 6 de mayu, vamos poder volver esfrutar del espectáculu musical Nora, Mauro y los suaños a les 10:45. A les 12:00, fútbol de 3ª División na xornada 37: Ceares-Condal, narrao n'asturianu. Y pela nueche vamos poder sentir los meyores Sones.

Tamién se va emitir a lo llargo de la selmana Dicires. Y los microespacios lliteratura infantil y xuvenil onde diferentes escritores asturianos van lleer los sos cuentos.

ESPECIAL SELMANA DE LES LLETRES NA RPA

Na RPA, la programación especial va tar esti añu centrada na música. De llunes 30 a xueves 3 de mayu va emitise Top 25 n'ast: cuatro programes de 30 minutos onde, al xeitu d'una radiofórmula, van sentise los 25 meyor cantares n'asturianu de tola historia.

El vienres 4 de mayu a les 20:15 hores, RPA va retresmitir l'actu institucional qu'entama l'Academia de la Llingua Asturiana con motivu del Día de les Lletres. L'actu va celebrase nel Teatru Campoamor, d'Uviéu, y la radio pública asturiana va dar cuenta, a lo llargo de les cuasi dos hores que dura la Xunta Extraordinaria de l'Academia, del nomamientu de los académicos nuevos y del discursu del presidente de l’Academia, Xosé Antón González Riaño. Esti espaciu va tar conducíu por Naciu Varillas.

Comparte esta noticia
banner publicidad

© 2018 Radiotelevisión del Principado de Asturias | Todos los derechos reservados

Publicidad | Aviso Legal | Cookies | RSS | Sobre RTPA | Entidad adherida a AUTOCONTROL

Aviso de cookies

Usamos cookies propias y de terceros para ofrecer una mejor experiencia y mostrarle publicidad relacionada con sus preferencias. Al navegar o utilizar nuestros servicios el usuario acepta el uso que hacemos de las cookies.

Pinche aquí para más información Entendido