Artículos recuperen y descubren la figura del rector Leopoldo Alas Argüelles

Munches de les sos reflexones sobre Asturies siguen tando de plena actualidá

Buscando nes hemeroteques, el calderalgu Joaquín Ocampo atopó dellos artículos del rector Leopoldo Alas Argüelles, el fíu de "Clarín". Llamó-y l'atención la fondura analítica d'esti home de Derechu, y decatóse de qu'había un vacíu qu'enllenar.

El resultáu ye una compilación de 150 artículos asoleyaos na prensa rexonal y nacional y escritos dende L'Atalaya del Uviéu prósperu de los años venti. Xuntos dibuxen una Asturies distinta no económico, pero d'inquietúes idéntiques a l'actual: el futuru del carbón, les deficientes comunicaciones ferroviaries, el papel de la muyer y de la relixón, los nacionalismos.

Idees qu'ayudaron a Leopoldo Tolivar a conocer meyor la figura de so güelu.

Con esta espublización repárase, en parte, el legáu d'un humanista herederu del grupu d'Uviéu, del krausismu y de la Institución Llibre d'Enseñanza silenciáu pola dictadura.

Na Universidá d'Uviéu Alas Argüelles exerció'l so rectoráu seis años y nel Aula Magna presentaráse'l xueves la obra.