Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 10 de avientu. 2017 18:18

Una tesis revela'l mecíu xenéticu del gochu asturcelta

  La estructura genética del gochu asturcelta
Una tesis revela'l mecíu xenéticu del gochu asturcelta

La especie sigue en peligru d'estinción

La estructura xenética del gochu asturcelta y los esfuerzos fechos n'Asturies pol Serida pa recuperar la especie, centren la tesis doctoral del veterinariu Juan Menéndez. L'albeitre alvierte que'l fraude nes xornaes gastronómiques ye un problema cimeru pa la supervivencia del gochu autóctonu.

En 2006 n'Asturies había dos machos reproductores, y cuatro femes pa la cría de gochu asturcelta. Anguaño son ente 30 y 40 machos y 250 femes en manes de 45 criadores.

Pa llegar hasta equí necesitóse munchu esfuerzu investigador por parte del Serida y la tesis de Juan Menéndez da visibilidá a esi trabayu. Gracies a él, anguaño sábese que nos xenes del asturcelta hai tanto componentes ibéricos como celtes, anque son más estos últimos.

Con too, la especie sigue en peligru d'estinción y pa salvala, según esti veterinariu, hai que facer medrar el consumu, axilizar l'autorización que da'l Principáu pa la cría y combatir el fraude.

La tesis de Juan Menéndez, dirixida por Isabel Álvarez y Félix Goyache, doctores del Serida de Xixón, tien yá aseguráu'l sobresaliente y aspira al 'cum laude' na Universidá de Zaragoza.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL