Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 14 de febreru. 2017 15:47

Primer alcuentru de radios escolares d'Asturies

Primer encuentro de radios escolares de Asturias
Primer alcuentru de radios escolares d'Asturies

El proyectu 'R que R' facilita a los alumnos un mediu d'espresión

La Rede de Radios Escolares d'Asturies y el Centru d'Innovación de la Universidá d'Uviéu entamaron el primer alcuentru de radios escolares d'Asturies.

El proyectu 'R que R' , con un galardón nacional, ye pioneru y yá ta texendo una rede de centros qu'utilicen la radio como mediu d'espresión y participación de los adolescentes.

Los estudiantes del IES Alfonso II bréguense nesti oficiu, 'Noticionso' conecta cola so audiencia con pequeñes secciones sobre temes que-yos interesen. Pela so parte, Nerea escoyó pa esta ocasión el númberu de la Bestia y sobre'l 666 esplayóse en Radio Pérez, la emisora del IES Perez de Ayala, la veterana de los cinco centros y col premiu nacional que provocó qu'otros centros s'engancharen a la radio escolar.

Radio Venezano del colexu publicu Veneranda Manzano, el taller de radio del San Félix de Candás y Radio Tuto del institutu de Posada de Llanera tamién apuntalen vocaciones. Cada añu participen unos 40 neños. A esta rede de participación incorporaráse'l colexu de Tremañes.

Per primer vegada la Universidá repara nesti modelu pedagóxicu que quier fomentar pa cohesionar estudios universitarios cola educación de Primaria y Secundaria.

El rector de la Universidá d'Uviéu, Santiago García Granda, hasta se dexó entrevistar. Con nervios estos escolinos fixeron güei radio en directu dende un aula con cuatro sieglos d'hestoria.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL