Webcams
Buscar
Poemes Pieces
Dicía Julio Cortazar que, pesie a los griegos o a la Poética d’Aristóteles, nun hai nenguna definición de poesía que pueda convencer a un poeta. Alejandra Pizarnik intentólo, y quiciabes nos pueda valir la so propuesta: «Una mirada dende’l sumidoriu / pue ser una visión del mundo / la rebelión consiste en mirar una rosa / hasta desfacenos los güeyos”.
La Radio Televisión del Principáu d’Asturies (RTPA), altraviés de la revista audiovisual de cultura asturiana, Pieces, celebra’l Día Internacional de la Poesía con una programación especial (na televisión y n’internet) na que se propón, a mou d’antoloxía audiovisual y col formatu de píldores, un repás por dalgunos de los meyores poemes asoleyaos n’Asturies a lo llargo del añu 2023. “Venti Poemes” amuesa la calidá, la bayura y la diversidá d’una poesía, l’asturiana, que tien la suerte de poder espresase en tres idiomes: asturianu, gallegu-asturianu y castellán.
Los autores que participen en “Venti poemes” son: Laura R. Ramos, Javier Cellino, Justo Braga, Babel de Ca Cadete, Agustín Alonso, Miguel Ángel Alonso Treceño, Miguel Ángel Gómez, Lourdes Álvarez, Daniel García Granda, Roxana Popelka, Carlos Rubiera, Roberto González-Quevedo, Miguel Rojo, María Fernández Abril, Marta Mori, Ignacio del Valle, Pablo Texón, Gonzalo G. Barreñada, Miguel R. Monteavaro y Pedro Luis Menéndez.
Antología de poesía de la revista audiovisual de cultura asturiana 'Pieces'.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL