La mosca de la vinagre come la collecha d'arándanos n'Asturies

Agricultura autoriza, con calter escepcional, un insecticida p'atacar la plaga

El sector del frutu coloráu ta en peligru por culpa de la drosophila suzukii, una especie de mosca de la vinagre.

La fema, portadora de los güevos, posa nel frutu faciendo un corte cuasi invisible pal güeyu humanitaria. Ye nesti procesi cuando l'insectu inxerta los sos güevos dexando inutilizada la collecha dos hores depués de la recoyida.

Unu de los frutos más afectaos ye l'arándanu que vio baxar cuatro veces el valir del so productu, pasando de vendese frescu a vendese conxeláu, perdiendo asina calidá y compradores.

Nun ye la primer vez qu'esta especie apaez nel Principáu, pero la so llegada prematura, la primer selmana de xunetu, y la fuerza con que lo fizo yá provocó namás nun productor perdes de más de 30.000 euros esta temporada.

Mañana van xuntase col Principáu asociaciones, cooperatives y comercializadores pa estudiar cómo se pue parar esta situación que munchos yá califiquen de zona catastrófica.

De momentu, el problema podría entamar a tener solución porque'l Ministeriu d'Agricultura autorizó l'usu, con calter escepcional, d'un insecticida p'atacar a esta mosca, según esplicó'l director xeneral de Desarrollu Rural del Principáu, Jesús Casas.