Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 17 de xunetu. 2018 19:22

El noroccidente llucha escontra la despoblación del mediu rural

Casas abandonadas en Pesoz
El noroccidente llucha escontra la despoblación del mediu rural

Los ayuntamientos crearán un orixinal archivu de viviendes p’atraer a nuevos pobladores

La llucha escontra la despoblación del mediu rural necesita soluciones alternatives. Concienciaos sobre esti grave problema que sufren los sos territorios los ayuntamientos del noroccidente trabayen pa remedialo.

Una de les últimes idees pasa pola creación d’un orixinal archivu de viviendes p’atraer a nuevos pobladores.

Una iniciativa inxerta nun programa más grande que desendolca la Confederación de Centros de Desendolcu Rural en 18 zones d’España. Dos n’Asturies, pilotada nel occidente pola Fundación Edes, qu’esta mañana presentaba a los alcaldes de la comarca.

Un archivu que quier inventariar bienes inmuebles en desusu, públicos o privaos y ponelos a disposición de nuevos pobladores.

Sedrán los ayuntamientos los encargaos de compilar estos datos que sedrán presentaos nunes xornaes sobre despoblamientu y repoblación del mediu rural l’ochobre viniente.

Ésta ye una de les principales preocupaciones de los consistorios que trabayen pa da-y la vuelta a la situación y con unes exes de trabayu que se centren na diversificación económica, la formación y capacitación o la meyora de les redes y comunicaciones.

Una iniciativa que quier sentar les bases d’un ambiciosu proyectu ensin financiación y que ye una de les principales aspiraciones de los alcaldes.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL