Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 21 de marzu. 2018 21:53

Piden enfermeros nos colexos d'educación especial

Piden enfermeros en los colegios de educación especial
Piden enfermeros nos colexos d'educación especial

Profesores y families recoyeron 9.000 firmes p'apoyar la reclamación

Profesores y families de los cinco centros d'educación especial del Principáu xuntaron cerca de 9.000 firmes nun mes pa pidir la contratación de profesionales d'enfermería nestos colexos.

El botón d'emerxencies indica qu'ésti nun ye un aula como toes. El día a día de los maestros d'educación especial ta enllén d'incidencies al marxe de les educatives, delles graves.

Los profesores de los cinco centros d'esta mena qu'hai na rexón lleven años pidiendo a Educación que contrate personal d'enfermería -unu pa cada centru-.

Según Tamara Corral, maestra d'educación especial, a la Conseyería nun-y consta un pidimientu formal. Asina qu'hai un mes decidieron xuntase per primer vez pa entamar xunto a les families una campaña de recoyida de firmes.

Esta tarde lleváronles al rexistru del Principáu y, mientres esperen la respuesta d'Educación, sopesen abrir la campaña a les redes sociales pa garrar más apoyos.

APTA alerta del posible cierre si nun recibe la subvención que-y adelda'l Principáu

El centru especial d'empleéu APTA podría cerrar si nun recibe les ayudes de 600.000 euros que-y adelda'l Principáu. Asina lo conseñaron güei'l presidente de l'asociación de padres y tutores, que visitaron les instalaciones acompañáu de diputaos y conceyales de Podemos.

Tienen mieu amás, que nun se lleguen a firmar los nuevos contratos que se tán negociando pa 40 de los empleaos que tán nuna regulación d'empléu.

APTA ufierta una oportunidá llaboral a persones con discapacidá psíquica.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL