Abre les sos puertes una oficina d’asesoramientu en producción ecolóxica nel noroccidente

El sector nun algama satisfacer la demanda de producción

La primer oficina d’asesoramientu en producción ecolóxica nel noroccidente asturianu abre les sos puertes. Ta n’A Veiga y el so oxetivu ye guiar a ganaderos y agricultores que quieren dar el saltu a un sector que, enagora, nun algama satisfacer la demanda de producción.

Enrique foi’l primeru n’averase güei a la nueva oficina. Vende al añu 600 kilos de faba, pero tamién tomate, fréxol y inclusive comercializa vaques y gochos. Quier pasase a la producción ecolóxica, pero necesita información porque tien dalgún qu’otru mieu.

La oficina ufiertará información, pero tamién asesorará a los ganaderos en tol procesu de transición, el momentu más delicáu.

El principal problema enagora nun ye la falta de demanda de producción ecolóxica, ye la falta d’ufierta poro, necesítense más productores qu’apuesten por ello.

Cualquier productor de los 16 conceyos de la Reserva de la Biosfera Ozcos-Eo pue facer usu del serviciu, anque la intención ye espardelu a otros conceyos asturianos y gallegos.